|
Remap...初頭隆威話好玩...叫我地參加...咁就參加左...
原來已經係半年黎既事...
其實唔知係咩黎...我當係工作坊...關於音樂既工作坊囉
雖然唔知做乜...但係好開心識到好多人...好多朋友...仲有...阿ky^^
好開心有阿ky做我地組既導師...好開心有媽咪Helen lee個組員
我有時會覺得...F組係一個family...阿ky係爸爸...Helen係媽媽...
我...好似係F組由頭到尾都係度...唯一一個F組留落黎既人
(其實仲有lulu...不過佢唔得閒冇黎到維園...同埋我其實miss過一次meeting...因為要返工)
我唔知係咩推動我黎...可能因為俾左錢...唔黎會唔抵...
可能係因為星期日既我係好得閒...所以要搵d野做下...
可能係黎得多...所以習慣左...
亦可能係...因為有你地係度...所以我會/想黎...
講下講下...玩下玩下...等下等下...7月17好快就到左
可能意識到已經係最後既六日...所以都希望自己真係做到d野...同希望真係有d野拎番走...
好努力咁早起...18號去唔到會覺得可惜...去到 點都會搵d野做...唔想hea過...
每一日都有野學, 每一日都有野玩, 每一日都有野講...
每一日都有好多新鮮野
每一日完o個陣...代表離完結愈近...
可能大家都係咁諗...20號豐豐話我地好似今日係last day咁...個個都唔想走...
21號...都係咁...唔記得做過咩...總之最尾又係攪到10點幾...
22號last day...豐豐話朝10晚10...9點幾返到去...玩...
頭三日朝朝都玩水, 濕晒身...但係個感覺好爽...我諗好難再有機會咁做
第四日好努力咁做野...今次真係做番d野...
好投入咁去做冇件事...好投入咁玩...被迫唱歌都要唱...難聽都要...
最後亦都好投入咁去實行「4個8拍」行動
因為其實真係好多謝佢地咁多位
我同兄弟佢地唔熟...但係都覺得佢地好好...
好多謝阿ky...佢教左我好多野...鼓勵左我好多...幫左我好多...
「來年若可再奪殊榮, 在台上多謝你」係我而家既諗法
最後不停咁問人拎msn電話, 去同人影相...去攬人...
感覺同去camp既last day差唔多...
但係我地係唔同架...我地既感情係長達6個月...短則6日 (5日?)
比較起黎...我地深厚好多...我希望實際上都係咁la
Remap2正式完結...Remap3會係幾時?
可能係幾年後...可能根本唔會有Remap3...
希望在茫茫人海中...能跟你們再次相遇!!!
|